2018-ci il noyabrın 16-dan 18-dək Xəzər Universiteti Mühəndislik və Tətbiqi Elmlər fakültəsinin Kompüter mühəndisliyi ixtisasının tələbələri –Məhəmməd Məmmədli, Vüsal İsmayılov, Rauf Hacıyevdən ibarət “Killshot” komandası Tailand Krallığında baş tutmuş yarışda Azərbaycanı təmsil edərək, 66 ölkənin qalib komandaları ilə qarşı-qarşıya gəldi. 3 günlük intensiv yarışmanın sonunda 90 komanda arasında 58-ci yerdə qərarlaşan “Killshot” komandası Cənubi Koreya, Brazilya, Vyetnam, Tailand, ABŞ kimi Robotiks sahəsində tanınmış ölkələri geridə qoymağı bacardı. Komanda olimpiadaya Mühəndislik və Tətbiqi Elmlər fakültəsinin Kompüter mühəndisliyi ixtisasının 3-cü kurs tələbəsi Emin Bayramovun rəhbərliyi ilə hazırlanmışdır.
Qeyd edək ki, 2018-ci il oktyabrın 6-da Azərbaycan Respublikası Gənclər və İdman Nazirliyinin dəstəyi, Azərbaycan Robototexnika Mühəndislik Akademiyası və “Gənclərin Təhsil, Təlim, Peşə və İnkişaf Mərkəzi” İctimai Birliyinin təşkilatçılığı ilə Əl Oyunları Sarayında 20 təhsil müəssisəsindən 54 komandanın iştirakı ilə 4 kateqoriya üzrə Azərbaycan II Robot Olimpiadası keçirilmiş, yarışda “Regular Senior” kateqoriyası Xəzər Universitetinin “Killshot” komandası bütün rəqiblərini üstələyərək, 1-ci yeri qazanmış və Azərbaycanı Dünya Finallarında təmsil etmək üçün Tailand Krallığına getmək haqqını qazanmışdı.
Əlavə məlumatları bu linklər vasitəsilə əldə etmək olar: