2018-ci il noyabrın 23-də Xəzər Universitetinin İngilis dili və ədəbiyyatı departamentinin doktorantı İlham Tağıyev Londonda yerləşən Middlesex Universitetində “Təqsirsizlik prezumpsiyası: Linqvistik yumor” adlı təqdimat etdi. Təqdimata daxil edilən hissə İlham Tağıyevin Middlesex Universitetində apardığı tədqiqatın tərkib hissəsi olmaqla, linqvistik yumorda məqsədsiz davranışa həsr edilmişdi. İ.Tağıyev məqsədli və məqsədsiz yumor təsnifatı aparmaq üçün semiotik metoddan istifadəyə dair təklif irəli sürür. Bu anlayış hələ tədqiq olunmamışdır. Təqdimatda Middlesex Universitetinin Media və kommunikasiya departamentinin əməkdaşları, eləcə də, doktorant və tədqiqatçılar iştirak edirdilər.