2018-ci il noyabrın 22-si və 23-də Moskva vilayətinin Dubna elmi şəhərciyində Azərbaycan Milli Elmlər Akademiyası, MDB Dövlətlərarası Humanitar Əməkdaşlıq Fondu və Birləşmiş Nüvə Tədqiqatları İnstitutunun (BNTİ) təşkilatçılığı ilə “Fizika və lirika: MDB ölkələrində dünya təcrübəsi və elm və ədəbiyyatın reallığı” mövzusunda beynəlxalq elmi seminar keçirildi.
Seminarda Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı da iştirak edirdi. Seminarın birinci günü professor İsaxanlı “Riyaziyyat və poeziya” adlı tezisi ilə çıxış etdi. Seminar müddətində Professor İsaxanlı Birləşmiş Nüvə Tədqiqatları İnstitutunun direktoru, akademik Viktor Matveev, baş elmi katib Sorin Aleksandr Savelyeviç, Direktorlar Şurasının müşaviri Marina Tumanova və digər rəsmi şəxslərlə görüşlər keçirdi. Bundan əlavə, o, “Təbiət elmləri: dünya, Rusiya, Azərbaycan” və “Lirika: dünya, Rusiya, Azərbaycan” mövzularında çıxışlar etdi. Professor Hamlet İsaxanlı səfər zamanı BNTİ-nin eksperimental bazası ilə tanış oldu və orada çalışan azərbaycanlı alim və doktorantlarla da görüşdü.
Bu linklər vasitəsilə daha çox məlumat əldə etmək olar:
https://azertag.az/xeber/Dubnada_fizikler_lirikadan_danisiblar-1217529
http://tehsil-press.az/index.php?newsid=34658