2018-ci il noyabrın 17-də Xəzər Universiteti Tarix və arxeologiya departamentinin müəllimi Ziya Səmədli Azərbaycan Respublikası Prezidenti yanında Strateji Araşdırmalar Mərkəzinin təşkil etdiyi “Azərbaycanın işğal edilmiş ərazilərində qeyri-qanuni fəaliyyət və üçüncü tərəflərin məsuliyyəti” mövzusunda beynəlxalq konfransın işində iştirak etdi.

Azərbaycan Respublikası Prezidenti yanında Strateji Araşdırmalar Mərkəzinin direktoru Fərhad Məmədovun sədrliyi və moderatorluğu ilə keçirilən beynəlxalq konfransda məruzəçilər, tədqiqatçılar iştirak edirdilər. Azərbaycan Respublikası Prezident Administrasiyasının xarici əlaqələr departamentinin sədri Hikmət Hacıyevin “Azərbaycanın işğal edilmiş ərazilərində qanunsuz iqtisadi və digər fəaliyyətlər və beynəlxalq hüququn imperativ təsir gücü”, ATƏT-in Minsk konfransının keçmiş sədri, italiyalı diplomat və siyasətçi Mario Rafaellinin “Minsk qrupu 25 ildən sonra”, AzərGold QSC-nin sədri Zakir İbrahimovun “Azərbaycanın işğal edilmiş ərazilərində faydalı qazıntıların qanunsuz istismarı”, AzərKosmos təşkilatının direktoru Rəşad Nəbiyevin “İşğal edilmiş ərazilərdə qanunsuz fəaliyyətlərin peyk analizi”, Azərbaycan Respublikası XİN-nin mətbuat sözçüsü Leyla Abdullayevanın “Azərbaycanın işğal edilmiş ərazilərində qeyri-qanuni fəaliyyət, münaqişənin uzadılması və status-kvonun saxlanılması kimi” adlı məruzələr dinlənildi və müzakirələr keçirildi.