2018-ci ilin noyabrın 15-də “Bir aylıq gəzinti yarışı”nın nəticələrini müzakirə etmək məqsədilə Xəzər Universitetinin “Gəzinti” komandasının üzvləri görüş keçirdilər. Görüş “Gəzinti” komandasının yaradılmasının təşəbbüskarı Xəzər Universitetinin rektoru Dr. Hassan Niknafs tərəfinən aparıldı. Komandanın məqsədi “Sağlamlığımızın qayğısına qalaq” şüarı altında işə gedərkən daha çox gəzmək və ictimai nəqliyyatdan daha az istifadə etmək idi. Komandanın üzvləri gündəlik addımları saymaq məqsədilə pedometr cihazı ilə təmin edilmişdilər.

Görüş zamanı gəzməyin insan səhhətinə faydası və müsbət təsiri müzakirə edildi və qərara alındı ki, akademik heyətin sağlamlığının qorunması məqsədilə bu layihə gələcəkdə universitet səviyyəsində həyata keçirilsin.

İngilis dili və ədəbiyyatı departamentinin koordinatoru Milana Abbasova (1-ci yer), Mühəndislik və tətbiqi elmlər fakültəsinin tədris işləri üzrə dekan müavini Fəxrəndə Əfəndi (2-ci yer) və İngilis dili və ədəbiyyatı departameninin assistenti Nuranə Fərhadova (3-cü yer) şərti olaraq, “gəzinti yarışı” adlanan müsabiqənin qalibləri oldular.