2018-ci il oktyabrın 27-si və 28-də Xəzər Universiteti Tarix və arxeologiya departamentinin müəllimi Araz Aslanlı Türkiyədə keçirilən “Kartepe zirvesi” adlı beynəlxalq elmi tədbirdə iştirak etdi. Tədbirin açılışında Türkiyənin Xarici İşlər naziri Mevlüt Çavuşoğlu, Daxili İşlər naziri Süleyman Soylu, Yunanıstanın keçmiş Baş naziri Yorqos Papandreu, BMT-nin, Avropa İttifaqının, eləcə də, bəzi dövlətlərin yüksək səviyyəli rəsmi şəxsləri iştirak edirdilər.

“Türk Davosu” kimi də adlandırılan bu nüfuzlu tədbirdə Qarabağ problemi ilə bağlı xüsusi panel təşkil edildi. Xəzər Universiteti Tarix və arxeologiya departamentinin müəllimi Araz Aslanlı Qarabağ problemi ilə bağlı paneldə dəvət edilmiş xüsusi məruzəçi statusu ilə çıxış etdi. Məruzədən sonra iştirakçıların sualları cavablandırıldı.