2018-ci ilin noyabrın 3-də “Azərbaycanın şəhər incəsənəti” (City Art Azerbaijan) layihəsinin yaradıcı heyətinin layihənin tərəfdaşı olan Xəzər Universitetinin dəstəyi və ev sahibliyi ilə layihə könüllülərinin və mütəxəssislərin görüşü baş tutdu. Görüş Xəzər Universitetinin şəhər mərkəzindəki korpusunda müsair texnologiya ilə təchiz olunmuş auditoriyasında keçirildi. Görüş zamanı MATM-nin şöbə müdiri, gənc tədqiqatçı Emin Dadaşov və peşəkar fotoqraf Nurlan Tahirli foto sənəti, fotoqrafiyanın tarixi, onun dünya və Azərbaycan tarixindəki rolu, müasir inkişaf vəziyyəti haqqında geniş təqdimat etdikdən sonra, Xəzər Universitetinin Təhsil fakültəsinin tələbələrindən təşkil olunmuş layihənin könüllü qrupları ilə müzakirə apardılar.
Sual-cavab və fikir mübadiləsi şəraitində keçən tədbir Xəzər Universitetinin Tarix və arxeologiya departamentinin müdiri Roza Arazova, departamentin əməkdaşları Orxan Zamanov və İ.Yusifli tərəfindən təşkil edilmişdi. Tədbirə, həmçinin, qonaq qismində “Azərbaycanın şəhər incəsənəti” layihəsinin idarə heyətindən rəssam S.Musayeva, memar A.Zeynalov və məşhur heykəltaraş M.Rəşidov dəvət edilmişdilər. Tədbirin təşkilində layihənin gənc üzvlərindən və universitetin tələbələrindən A.Muxtarova, F.Rəhimli, İ.Həsənzadə yaxından iştirak etdilər.