2018-ci il noyabrın 7-də Ərdəbil Tibbi Elmlər və Sağlıq Xidmətləri Universitetinin nümayəndə heyəti Xəzər Universitetində səfərdə oldu. Nümayəndə heyəti rektor Dr. Qüdrət Axavan-Əkbəri, Beynəlxalq əlaqələr ofisinin direktoru Dr. Mojtaba Amani və Tədris işləri üzrə prorektor Dr. Məsud Entezariasldan ibarət idi.
Qonaqlar Xəzər Universitetinin rektoru Dr. Hassan Niknafs, Elmi işlər üzrə prorektor Dr. İradə Xəlilova və Beynəlxalq əlaqələr şöbəsinin direktoru Turan Cəfərova ilə görüşdülər. Görüşdə birgə tədqiqat layihələrinin həyata keçirilməsi və ikili diplom proqramlarının yaradılması məsələləri vurğulanmaqla, qarşılıqlı faydalı tərəfdaşlığın perspektivləri müzakirə olundu.
Qonaqlar, həmçinin, universiteti gəzdilər, laboratoriyalara baş çəkdilər və tədris departamentlərinin rəhbərləri ilə tanış oldular. Nümayəndə heyətinin səfəri “Anlaşma Memorandumu”nun imzalanması ilə başa çatdı.