2018-ci il oktyabrın 30-dan noyabrın 1-dək Hindistanın Nyu Dehli şəhərində keçirilmiş 14-cü FICCI (Hindistan Ticarət və Sənaye Palataları Federasiyası) Ali Təhsil Zirvəsində Xəzər Universitetinin Beynəlxalq əlaqələr şöbəsinin direktoru Turan Cəfərova Azərbaycan nümayəndə heyətinin tərkibində iştirak etdi.

FICCI Ali Təhsil Zirvəsi-2018 –Hindistan Ticarət və Sənaye Palataları Federasiyasının Hindistan hökuməti və İnsan Resursların İnkişafı Nazirliyi ilə birgə əməkdaşlığı çərçivəsində ali təhsil sahəsində təşkil olunmuş beynəlxalq sərgi və konfransdır. Zirvə ali təhsil sahəsində partnyorluq əlaqələrini və şəbəkəni genişləndirmək üçün 40-dan çox ölkənin nümayəndələrini bir yerə toplamışdı.

Zirvədə Azərbaycandan, həmçinin, Azərbaycan Dövlət Pedaqoji Universiteti, Azərbaycan Dövlət Rəssamlıq Akademiyası, Azərbaycan Dövlət İqtisad Universiteti və ADA Universitetinin beynəlxalq əlaqələr şöbələrinin nümayəndələri, Təhsil Nazirliyinin Beynəlxalq əməkdaşlıq şöbəsinin əməkdaşı iştirak edirdilər.

Zirvədə Azərbaycan universitetlərindən olan nümayəndələr sərgidə iştirak edən yerli universitetlərlə görüşlər keçirdilər.