2018-ci il noyabrın 2-də Xəzər Universitetində Dünya Tək Sağlamlıq Gününə həsr edilmiş simpozium keçirildi. Tədbirdə Azərbaycan Respublikasının Ekologiya və Təbii Sərvətlər Nazirliyi, Dövlət Ərzaq Təhlükəsizliyi Təşkilatı, Azərbaycanda Fragola-Hökumət Xidmətləri və British Medical Journal daxil olmaqla, müxtəlif təşkilatların nümayəndələri, Xəzər Universiteti Fulbright tədqiqatçısı, ABŞ-ın Eastern Kentucky Universitetinin Təhsil kollecinin professoru, Dr. Qaisar Sultana, 20-yə yaxın nümayəndə, həmçinin doktorant və könüllü tələbələr iştirak etdilər. Elmi işlər üzrə prorektor dosent İradə Xəlilova çıxış etdi. Simpoziumda tədqiqatçılar, Azərbaycan Respublikası Ekologiya və Təbii Sərvətlər Nazirliyinin nümayəndəsi və doktorant tələbələr tərəfindən 5 təqdimat edildi (Tədbirin gündəliyini bu link vasitəsilə yükləyə bilərsiniz).
Simpoziumda müzakirə edilən əsas məsələlər bunlar idi:
Hər bir təqdimat aktiv müzakirələr ilə aparıldı. Sonda tədbirin mühüm olması qeyd edildi və ümumi məqsədlərə nail olmaq üçün Tək Sağlamlığın əhəmiyyəti haqda məlumatların cəmiyyətə çatdırılmasının vacibliyi vurğulandı.
Xəzər Universitetində keçirilmiş simpozium Dünya Tək Sağlamlıq Komissiyasının rəsmi veb səhifəsində yayınlanmışdır:
https://onehealthplatform.com/content/world-one-health-day-simposium.