2018-ci il oktyabrın 30-da Xəzər Universitetində Karyera Mərkəzinin təşkilatçılığı ilə “Uğursuzluqlardan Uğurlara” mövzusunda seminar keçirildi. Xəzər Universitetinin tələbəsi olan və eyni zamanda, motivator olaraq fəaliyyət göstərən məruzəçi Samir Xəlilov həyatda qarşılaşmış olduğu uğursuz hadisələrin ona necə uğurları qazandırmasından bəhs etdi. O, tələbələrə hansı ixtisasda oxuduqlarından asılı olmayaraq, hansı işi seçmək istədiklərinin qərarını verməli olduqlarını bildirdi və onlara həyatda qarşılaşacaqları uğursuzluqların onları həvəsdən salmamalı, əksinə, onları əsas məqsədinə daha da yaxınlaşdırmalı olduğunu bildirdi.

Tədbirdə Xəzər Universitetinin Təhsil fakültəsi ilə Mühəndislik və Tətbiqi Elmlər fakültəsinin tələbələri iştirak edirdilər.

Sonda Samir Xəlilovun motivasiya verici xarakterli qısa filmi ilk olaraq, Xəzər platformasında nümayiş olundu.