2018-ci il noyabrın 1-də Xəzər Universitetinin “Mərmər” zalında “Azərbaycan ədəbiyyatı tarixi-1” (Folklor) fənnindən “Aşıq şeir şəkilləri və saz havaları” mövzusunda açıq dərs keçirildi. Fənnin müəllimi dosent Vurğun Əyyubun aşıq şeir şəkilləri və onların zənginləşməsində saz havalarının rolu, şeir şəkilləri ilə saz havalarının qarşılıqlı əlaqələri, bir-birinə uyğunluğu barədə nəzəri məlumatlarını Aşıq Şəhriyar Kərimovun canlı ifa etdiyi saz havalarının hansı kökdə, hansı pərdədə çalınması, məzmunca, əhval-ruhiyyə baxımından hansı xarakterdə olması barədə dedikləri və əyani şəkildə göstərməsi bir-birini tamamladı.

Açıq dərs Azərbaycan dili və ədədbiyyatı müəllimliyi və filologiya ixtisaslarında təhsil alan 1-ci kurs tələbələri üçün nəzərdə tutulsa da, həmin ixtisasın yuxarı kurs tələbələri, digər ixtisaslarda oxuyanlar, müəllimlər də açıq dərsdə iştirak edirdilər.