2018-ci il oktyabrın 31-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı Azərbaycan Respublikasının Təhsil Nazirliyinin Elm sektorunun müdiri Anar Kazımovu qəbul etdi. Görüşdə universitetin rektoru Dr. Hassan Niknafs, Elmi işlər üzrə prorektor İradə Xəlilova və Magistratura, doktorantura və elmi-tədqiqatlar işləri bölməsinin müdiri Eldar Şahgəldiyev iştirak etdilər. Görüş zamanı doktorların təhsili, müdafiəsi, və digər məsələlər müzakirə olundu. Qonaq Xəzər Universitetinin Nanotexnologiya və İnşaat materialları laboratoriyaları, və Hüceyrə Patologiyası Tədqiqat Mərkəzi ilə tanış oldu, elm və tədqiqat işlərini yüksək qiymətləndirdi.