2018-ci il oktyabrın 26-da Xəzər Universitetində Karyera Mərkəzinin təşkilatçılığı ilə Amerikada təhsil və viza prosedurları ilə bağlı tədbir keçirildi. Tədbirdə Amerika Birləşmiş Ştatlarının Azərbaycan Respublikasındakı Səfirliyinin Konsulluq şöbəsinin rəis müavini Kristofer Sorensen çıxış etdi. O, öz çıxışında tələbələri vizaya müraciət etmək qaydaları, tələb olunan sənədlər və bir sıra digər viza növləri ilə bağlı maarifləndirdi. Sorensen eyni zamanda vizadan kəsilmə hallarından da bəhs etdi və bunun səbəblərini açıqladı.

Qeyd edək ki, tədbirdə tələbələri maraqlandıran “Work and Travel” Proqramı haqqında da ətraflı məlumat verildi.

Tədbirdə Xəzər Universitetinin xarici və yerli tələbələri iştirak edirdilər.

Tədbirin sonuna doğru isə tələbələrin sualları cavablandırıldı.