2018-ci il oktyabrın 24-dən 26-dək Gürcüstanda İlia Dövlət Universitetində DESCnet layihəsinin sonuncu görüşü həyata keçirildi. Avropa İttifaqının Erasmus+ Jean Monnet proqramı tərəfindən maliyyələşən DESCnet layihəsinin məqsədi Qafqaz regionunda Avropa Tədqiqatları səviyyəsini artırmaq idi.

Görüşdə Xəzər Universitetini təmsil edən Siyasi elm və beynəlxalq münasibətlər departamentinin koordinatoru və müəllimi Elmar Mustafayev DESCnet layihəsi çərçivəsində universitetdə görülən işlər barədə partnyor universitet nümayəndələrini məlumatlandırdı.

Qeyd edək ki, yekun görüş DESCnet layihəsinin nəticələrinin ümumi qiymətləndirməsinə istiqamətlənmişdi.

Yekunda, tərəfdaş universitetlərin müxtəlif istiqamətlərdə səmərəli əməkdaşlığa hazır olduqları bildirildi, eyni zamanda, Erasmus+ Jean Monnet Network proqramına yenidən müraciət edilməsi qərara alındı.