2018-ci il oktyabrın 31-də QS təşkilatı tərəfindən 2018-ci il üçün inkişaf etməkdə olan Avropa və Mərkəzi Asiya ölkələrinin ən yaxşı universitetlərinin 10 meyar əsasında illik reytinqi müəyyənləşdirilmişdir.
Reytinq siyahısına Avropa və Mərkəzi Asiyadan inkişaf etməkdə olan aşağıdakı 24 ölkənin ən yaxşı 300 ali təhsil müəssisəsinin adı daxil edilmişdir: Azərbaycan, Belarus, Bosniya və Herseqovina, Bolqarıstan, Xorvatiya, Çexiya, Gürcüstan, Estoniya, Kipr, Macarıstan, Moldova, Qazaxıstan, Qırğızıstan, Latviya, Litva, Polşa, Rumıniya, Rusiya, Serbiya, Slovakiya, Sloveniya, Türkiyə və Ukrayna.
Xəzər Universiteti regionun 48% ən yaxşı universitetləri sırasında yer almışdır.
Keçən illə müqayisədə reytinqdə bu il Azərbaycandan 7 ali təhsil müəssisəsi iştirak etmişdir. Həmin ali məktəblərin adı ən yaxşı 300 universitet sırasına daxil edilmişdir. Reytinq siyahısına görə, Xəzər Universiteti reytinqdə iştirak edən Azərbaycanın digər ali təhsil müəssisələri arasında öz mövqeyini saxlayaraq, 161-170-ci aralığındakı yeri tutmuşdur. Reytinqə qatılan digər Azərbaycan universitetlərindən –Bakı Dövlət Universiteti 142-ci, Azərbaycan Dövlət İqtisadiyyat Universiteti 181-190-cı yerdə, Azərbaycan Memarlıq və İnşaat Universiteti, ADA Universiteti və Azərbaycan Dillər Universiteti 201-250-ci, Bakı Slavyan Universiteti isə 251-300-cü yerlər arasında qərarlaşmışdır.
Ətraflı məlumatı bu link vasitəsilə əldə etmək olar:
https://www.topuniversities.com/university-rankings/eeca-rankings/2019.