2018-ci il oktyabrın 19-da Heydər Əliyev Mərkəzi və “Regional İnkişaf” İctimai Birliyinin (RİİB) təşkilatçılığı ilə Masallı şəhərindəki “ASAN Həyat” kompleksindəki Heydər Əliyev İncəsənət Məktəbində Azərbaycan Rəssamlar İttifaqının üzvü, Xəzər Universitetinin dizayn müəllimi, universitetdəki Tətbiqi Sənət Muzeyinin direktoru, batika sənəti sahəsində çalışan Afaq Kərimova “Tətbiqi sənətdə batika” mövzusunda təlim keçirdi. O, parça üzərində nəqqaşlıq sənəti olan batikanın yaranması, inkişaf yolu, növləri və s. barədə ətraflı məlumat verdi və bu sənət növünün İndoneziya, Hindistan, Çin, Azərbaycan və s. ölkələrdə yayıldığını bildirdi.

Abdulla Şaiq adına Azərbaycan Dövlət Kukla Teatrının rəssamı, Prezident mükafatçısı Əfşan Əsədova batikanın işlənmə texnikası haqqında çıxış etdi.

Azərbaycan Dövlət Mədəniyyət və İncəsənət Universitetinin müəllimi, Əməkdar incəsənət xadimi Rafael Əsədov tədbirdə iştirak edirdi.

AZƏRTAC tədbir haqqında geniş xəbər yaymışdır: 

https://azertag.az/xeber/Batika_parcha_uzerinde_neqqasliq_senetidir-1206272.