2018-ci il oktyabrın 16-dan 19-dək Xəzər Universitetinin Təsisçisi, Direktorlar və Qəyyumlar Şurasının sədri professor Hamlet İsaxanlı Çinin Tai Hu əyalətində keçirilən “Sivilizasiya naminə dialoq: Bəşəriyyət üçün ortaq gələcəyə malik cəmiyyətin qurulması” adlı Dünya Mədəniyyət Forumunun Beşinci İllik Konfransına “Müvafiq sahədə böyük nailiyyətlərinə” görə dəvət olunmuş qonaq qismində iştirak etdi.
Professor Hamlet İsaxanlı “Böyük çaylar Qərbdən Şərqə axır: Azərbaycan və Çin” adlı məruzəsində İpək Yolunun varisləri kimi Azərbaycan və Çinin tarixi və mədəni əlaqələrindən danışdı.
Qeyd edək ki, Dünya Mədəniyyət Forumu yüksək səviyyədə təşkil olunan beynəlxalq qeyri-hökumət mədəni forumudur. Bu forum, eyni zamanda, Mülki İşlər Nazirliyi tərəfindən qeydiyyata alınan yeganə milli qeyri-hökumət təşkilatıdır. İdarə heyəti Pekində yerləşən bu forum təsis edildiyi gündən etibarən dörd dəfə illik konfrans təşkil etmişdir. Bu konfranslara beş qitənin 60 ölkəsi və bölgəsindən iştirakçılar qatılmışdır.
Qeyri-stabilliyin hökm sürdüyü dunyada heç bir sivilizasiya bəşəriyyətin qarşılaşdığı çətinliyi təkbaşına dəf edə bilməz. İnsanlar sülh və tərəqqinin, inklüzivliyin, ümumdünya səviyyəli təhlükəsizliyin, eləcə də, birgə inkişafın var olduğu təmiz və gözəl dünya arzu edirlərsə, onda mədəniyyət uzunmüddətli, hərtərəfli və strateji bir plan təmin etməlidir. Bu ideyanın işığında “Sivilizasiya naminə dialoq: Bəşəriyyət üçün ortaq gələcəyə malik cəmiyyətin qurulması” adlı beşinci illik konfrans Çin və dünyanın digər bölgələrindən olan mütəxəssislərin fikir mübadiləsi aparmağı və “universal sivilizasiya”nın yaradılması üçün kollektiv şüurun formalaşması üçün imkanlar yaradır.