2018-ci il 11-12 oktyabr tarixlərində Xəzər Universiteti İnkişaf Mərkəzinin layihə meneceri Ülkər Bayramova Tacik Dövlət Kommersiya Universitetində (Tacikistan) PAWER layihəsi çərçivəsində keçirilən növbəti idarəetmə görüşündə iştirak etdi. Tədbir layihənin davam etdiyi dövrdə nail olunmuş məqsədlər, indiyə qədər görülmüş işlər haqqında və qarşıda duran məsələləri müzakirə etmək məqsədilə təşkil olunmuşdu. Görüşdə, həmçinin, layihə çərçivəsində tərəfdaş universitetlər arasında tələbə mübadiləsinin həyata keçirilməsi üçün uyğun ixtisaslar üzrə fənlər müəyyənləşdirildi və tərəfdaş universitetlər tələbə mübadiləsini həyata keçirməyə təşviq edildi. Həmçinin, layihənin növbəti görüş vaxtları müəyyənləşdirildi və layihə tərəfdaşlarının növbəti idarəetmə görüşü 2019-cu ilin mayında Xəzər Universitetində keçirilməsi planlaşdırıldı.

Qeyd edək ki, Düşənbədə keçirilən idarəetmə görüşündə Azərbaycan Respublikasının Təhsil Nazirliyinin rəsmisi dosent Şahin Bayramov da iştirak edirdi.