2018-ci il oktyabrın 9-da “ERASMUS+” proqramı çərçivəsində Rumıniyanın Timisoara Politexnik Universitetinin (Politehnica University Timisoara) prorektoru professor Daniel Dan və həmin universitetin İnşaat mühəndisliyi departamentinin müəllimləri professor Tamas Nagy Gyorgy, Dr. Sorin Codrut Florut Xəzər Universitetində oldular. İlk olaraq, professor heyəti Xəzər Universitetinin rektoru Dr. Hassan Niknafs ilə görüşdülər. Görüş zamanı universitetlərarası müəllim, tələbə mübadilə proqramları, qarşılıqlı görüləcək tədqiqatlar müzakirə olundu. Həmçinin, iki universitet arasında ikili diplom proqramının detalları da müzakirə olundu. 

Sonra isə Timisora Politexnik Universitetinin professor heyəti Xəzər Universiteti Mühəndislik və Tətbiqi Elmlər fakültəsinin İnşaat mühəndisliyi departamentinin müəllim və tələbələri üçün 3 müxtəlif mövzuda seminar verdilər. 

Sonda seminar iştirakçılarının sualları cavablandırıldı.