2018-ci il oktyabrın 9-da Səudiyyə Ərəbistanının Kral Fahd Neft və Minerallar Universitetinin (King Fahd University of Petroleum and Minerals) Neft mühəndisliyi departamentinin əməkdaşları –“Saudi Aramco” şirkətinin professoru Dr.Shirish Patil, departamentin müdiri Dr. Dhafer A.Al-Shehri və departamentin professoru Dr. Sidqi A.Abu-Khamsin ilə Xəzər Universitetinin Nef-qaz mühəndisliyi üzrə təhsil alan tələbələrin və məzunlarının görüşü oldu. Görüşdə professor Shirish Patil Kral Fahd Neft və Minerallar Universitetinin Neft Mühəndisliyi və Yer Elmləri fakültəsi haqqında danışdı və universitetin təqaüd proqramı əsasında bakalavr, magistr və doktorantura səviyyələri üzrə yeni tələbələrin cəld edilməsi haqqında genış məlumat verdi.

Sonda isə nümayəndə heyəti təqaüd proqramı ilə əlaqədar tələbələrin suallarını cavablandırdı. Tədbirdə, həmçinin, Xəzər Universitetinin Neft mühəndisliyi departamentinin müdiri Dr.Qəşəm Zeynalov və departamentin bəzi müəllimləri iştirak edirdilər.

Sonra isə King Fahd University of Petroleum and Minerals universitetinin nümayəndə heyəti Xəzər Universitetinin rektoru Dr. Nassan Niknafs ilə görüşdülər. Görüşdə universitetlər arasında əməkdaşlığın perspektivləri və digər məsələlər müzakirə edildi.