2018-ci il oktyabrın 9-da Xəzər Universitetinin əcnəbi tələbələri həmin universitetin müəllimi Bayram Quliyev ilə birlikdə Azərbaycan tarixinin böyük bir qisminin əyani formada əks olunduğu və 300.000-dən çox eksponatın yer aldığı Milli Azərbaycan Tarixi Muzeyini ziyarət etdilər. Qədim dövrlərdən bu günə qədər Azərbaycan tarixini yaşadan Milli Azərbaycan Tarixi Muzeyində ilk dəfə olan müxtəlif ölkələrdən (İraq, Pakistan, Nigeriya və s.) gəlmiş xarici tələbələr üçün həm maraqlı və yeni, həm də fərqli bir təəssürat yaratmış oldu. Tarix öncəsindən Azərbaycanda insan məskənlərinin mövcud olduğunu Azıxantropun alt cənə sümüyü görərək, əyani formada öyrənən tələbələrin əksəriyyəti ərəb ölkələrindən olduğuna görə, Azərbaycan ilk epik abidələrindən olan “Kitabi-Dədə Qorqud”un ərəb qrafikası ilə yazıldığını və Azərbaycanda orta əsrlərdən XX əsrin 20-ci illərin sonuna qədər ərəb əlifbasının istifadə olunduğu faktları onlar üçün yeni və maraqlı idi.