2018-ci oktyabrın 7-də Xəzər Universiteti Coğrafiya və ətraf mühit departamentinin təşkilatçılığı ilə “ətraf mühit” fənnindən Şahdağ Milli Parkının İsmayıllı bölməsinə ekskursiya təşkil olundu. Çöl tədqiqatı zamanı tələbələr öncə Şahdağ Milli Parkının səkkizinci marşrutu olan “Buynuz” marşrutu (3,7 km) ilə hərəkət etdilər. Burada dağ meşə landşaftı, palıd, vələs, fısdıq, göyrüş, qaraçöhrə, yemişan, əzgil, itburnu, zirinc və s. bitki növləri, “Qırmızı kitab”a daxil olan qonur ayı, nəcib maral, Qafqaz köpgəri, vaşaq, məzar qartalı, Qafqaz tetrası, Qafqaz uları növləri haqqında ətraflı praktiki biliklər aldılar.