2018-ci il oktyabrın 4-də Xəzər Universiteti “Dünya” məktəbində 5 Oktyabr –Beynəlxalq müəllimlər gününə həsr edilmiş tədbir keçirildi. Tədbirdə Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı çıxış etdi, müəllim peşəsindən danışdı, müəllimləri təbrik etdi.
Tədbirdə, həmçinin, Binəqədi Rayon İcra Hakimiyyəti başçısının müavini Aygün Əliyeva, Azərbaycan Təhsil İşçiləri Azad Həmkarlar İttifaqı Respublika Komitəsinin sədr müavini Mirzə Cəfərzadə, İcra Hakimiyyətinin şöbə müdirləri Ramiz Göyüşov, Elman Dadaşov, Azərbaycan Təhsil İşçiləri Azad Həmkarlar İttifaqı Binəqədi rayon komitəsinin sədri Almaz Hacıyeva və rayon ərazisində fəaliyyət göstərən təhsil müəssisələrinin nümayəndələri iştirak edirdilər.
Tədbirdə Xəzər Universitetinin Kamera orkestrinin ifasında klassik musiqi nömrələri səsləndirildi.