2018-ci il oktyabrın 6-da Azərbaycan Respublikası Gənclər və İdman Nazirliyinin dəstəyi, Azərbaycan Robototexnika Mühəndislik Akademiyası və “Gənclərin Təhsil, Təlim, Peşə və İnkişaf Mərkəzi” İctimai Birliyinin təşkilatçılığı ilə Əl Oyunları Sarayında 20 təhsil müəssisəsindən 54 komandanın iştirakı ilə 4 kateqoriya üzrə Azərbaycan II Robot Olimpiadası keçirildi. Qeyd edək ki, təyin olunmuş qaydalara əsasən qalib komandalar 2018-ci il noyabrın 16-dan 18-dək Tailand Krallığında keçiriləcək Dünya Robot Olimpiadasında ölkəmizi təmsil edəcəklər.

Xəzər Universiteti olimpiadada Mühəndislik və Tətbiqi Elmlər fakültəsinin Kompüter mühəndisliyi ixtisasının 3-cü kurs tələbəsi Emin Bayramovun rəhbərliyi ilə 2 kateqoriya üzrə adları qeyd olunan 6 komanda ilə çıxış etdi:

1. “Killshot” (Məhəmməd Məmmədli, Vüsal İsmayılov, Rauf Hacıyev)

2. “Robin Food” (Əli Rüstəmov, Zaman Kərimov, Elnur Vəlixanlı)

3. “Prime Generation” (Sənan Qulamov, Fərid Salehli)

4.  “X-Y-Z” (Rafiq Şərifov, Məmmədəli Ağabəyli, Şükür Əliyev)

5. “The Squad” (Elvin Ziyalı, Ziya Məmmədov, Murad Əlizadə)

6. “Robocop” (Taleh Məmmədov, Fəxri Əfrasiyab)

“Open” kateqoriyası üzrə “Robin Food” komandası bütün diqqətləri üzərinə toplayaraq, 4-cü, “Prime Generation” komandası isə 3-cü yerə layiq görüldü.

“Regular Senior” kateqoriyası Xəzər Universitetinin komandasının böyük üstünlüyü ilə keçdi. Belə ki, “Killshot” komandası bütün rəqiblərini üstələyərək, 1-ci yeri qazandı və Azərbaycanı Dünya Finallarında təmsil etmək üçün Tailand Krallığına getmək haqqını qazandı.