2018-ci il sentyabrın 30-da Bakı şəhəri Xətai rayonunun 287 saylı “Zəkalar” liseyində III “Məmməd Araz Poeziya günü” çərçivəsində Məmməd Araz şeirinin ən yaxşı ifaçısı adını qazanmaq üçün sentyabr ayının sonu seçim turu keçirilmişdir. Məktəbin direktoru biologiya elmləri üzrə fəlsəfə doktoru Aygün Əhmədli, Azərbaycan dili və ədəbiyyatı müəllimi Xəyalə Tağıyeva və “Məmməd Araz Poeziya günü” layihəsinin rəhbəri, Xəzər Universitetinin müəllimi Qardaşxan Əzizxanlıdan ibarət münsiflər heyəti qarşısında çıxış edən məktəblilərdən Əbülfəz Rzazadə, Nəzrin Ağazadə, Nicat Səmədov, Nilufər Tağıyeva, Aydan Mehdiyeva, Şəbnəm Haşımlı xüsusilə fərqlənmişlər. Onlar oktyabrın əvvəllərində Azərbaycan Respublikasının Prezidenti yanında Bilik Fondu, Azərbaycan Yazıçılar Birliyi və Xəzər Universitetinin birgə təşkilatçılığı ilə III “Məmməd Araz Poeziya günü” və xalq şairi Məmməd Arazın 85 illik yubileyinə həsr olunmuş yekun tədbirdə çıxış edəcəklər.
Tədbir haqqında respublika mətbuatında da xəbərlər yayınlanmışdır:
http://palitranews.az/news.php?id=92569;
https://azertag.az/xeber/Zekalar_liseyinde_Memmed_Araz_Poeziya_gunu-1199617.