2018-ci il avqustun 28-də Xəzər Universiteti Tarix və arxeologiya departamentinin müəllimi Ülviyyə Əjdər qızı İbrahimovanın “Azərbaycan tarixi “Mücməli Fəsihi”də” adlı monoqrafiyası işıq üzü görmüşdür. Monoqrafiyada XIV yüzilliyin sonu – XV yüzilliyin əvvəllərində Azərbaycanın iqtisadi, siyasi tarixi hadisələri dövrün müasiri Fəsih Xəvafi adlı Herat tarixçisinin “Mücməli Fəsihi” əsəri üzrə araşdırılmış, tədqiqat zamanı həm bu əsərin özü Azərbaycan tarixinin öyrənilməsində yeni mənbə kimi tədqiq edilmiş, həm də mənbənin verdiyi məlumatlar dövrün digər farsdilli qaynaqları ilə müqayisə edilərək, XIV yüzilliyin sonu və XV yüzilliyin əvvəllərini əhatə edən zaman kəsiyindəki tarixi hadisələr Azərbaycan tarixində ilk dəfə ayrıca tədqiqata cəlb edilmişdir. Monoqrafiyada oxucuların ixtiyarına verilən fotoşəkillər də orijinaldır və müəllifin özü tərəfindən çəkilmişdir.