2018-ci il sentyabrın 25-də Los Anceles Kaliforniya Universitetinin (UCLA) tanınmış professoru Dr. Pirouz Kavehpour Xəzər Universitetində oldu. Mühəndislik və Tətbiqi Elmlər fakültəsinin bütün müəllimlərinin iştirak etdiyi dəyirmi masada Dr. Piruz UCLA-da apardığı nanotexnologiya və biomühəndislik tədqiqatları barədə mühazirə ilə çıxış etdi.

Sonra başqa nanotexnologiya və biomühəndislik üzrə birgə tədqiqatların aparılması, eləcə də, mübadilə proqramlarının icrası üçün universitetlər arasında müzakirələr aparıldı.

Görüşdə Xəzər Universitetinin Mühəndislik və Tətbiqi Elmlər fakültəsinin tələbələrinin UCLA-nın müxtəlif mühəndislik fakültələri tərəfindən həyata keçirilən yay məktəblərində iştirakına dair razılıq əldə edildi. Yay məktəbləri müddətində Xəzər Universitetinin tələbələri yataqxana ilə təmin ediləcəklər.

Tərəflər hazırlanmaqda olan Anlaşma Memorandumunu yaxın günlərdə imzalayacaqlar.