2018-ci il sentyabrın 20-də İndoneziyanın Darüssəlam Qontor Universitetinin (UNIDA) nümayəndələri Xəzər Universiterinin “Neftçilər” kampusunda görüş keçirdilər. Görüşün məqsədi əməkdaşlıq imkanlarını müzakirə etmək və Anlaşma Memorandumu imzalamaq idi.

UNIDA-nın nümayəndə heyəti professor X.Amal Fəthulla (rektor), Dr. Hamid Fəhmi Zarkasyu (I prorektor), Dr. Akrim Mariyat (Qəyyumlar Şurasının sədri) və Roysa Dianadan (Baş müəllim) ibarət idi.

Xəzər Universitetini isə Dr. Hassan Niknafs (rektor), Dr. İradə Xəlilova (Elmi işlər üzrə prorektor), Fəxrəndə Əlimərdanova (Mühəndislik və Tətbiqi Elmlər fakültəsinin dekan müavini), Dr. Məhəmməd Şərifov (Kompüter elmləri və kompüter mühəndisliyi departamentinin koordinatoru) və Turan Cəfərova (Beynəlxalq Əlaqələr Ofisinin direktoru) təmsil edirdilər.

Qarşılıqlı maraq doğuran məsələləri müzakirə etdikdən sonra tərəflər bir-birinə xatirə hədiyyəsi təqdim etdilər və Anlaşma Memorandumu imzaladılar.