2018-ci il sentyabrın 19-da Xəzər Universitetinin Mərmər salonunda Xəzər Universiteti, Azərbaycan Milli Elmlər Akademiyası (AMEA) Fəlsəfə İnstitutu və Qafqaz Platron Cəmiyyətinin təşkilatçılığı ilə “Platon və müasir fəlsəfə” mövzusunda seminar keçirildi. Seminarda AMEA və Xəzər Universitetinin rəhbərliyi, AMEA Fəlsəfə İnstitutunun rəhbərliyi və əməkdaşları, ölkənin əksər ali məktəblərinin alim və mütəxəssisləri, Xəzər Universitetinin əməkdaşları iştirak edirdilər.
Seminarı Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı açaraq, iştirakçıları və qonaqları salamladı. AMEA-nıın vitse-prezidenti akademik İsa Həbibbəyli, Yunanıstanın Azərbaycandakı fəvqəladə və səlahiyyətli səfiri Nikolaos Kanellos giriş nitqi söyləyərək, tədbirin əhəmiyyəti və aktuallığını qeyd etdilər.
Sonra seminar məruzələrin dinlənilməsi ilə işini davam etdirdi. Xəzər Universitetinin təsisçisi, Direktorlar və Qəyyumlar Şurasının sədri, riyaziyyat üzrə elmlər doktoru professor Hamlet İsaxanlı “Platonda riyaziyyat və poeziyanın vəhdəti”, AMEA Fəlsəfə İnstitutunun direktoru, fəlsəfə üzrə elmlər doktoru İlham Məmmədzadə “Platon və müasir fəlsəfənin əsas istiqamətləri”, AMEA Fəlsəfə İnstitutunun Azərbaycan fəlsəfə tarixi şöbəsinin baş elmi işçisi, fəlsəfə üzrə elmlər doktoru, professor Zümrüd Quluzadə “Mədəniyyət tarixində vəhdət və kəsrətin əlaqəsi probleminin qoyuluşu (Platon, neoplatonizm, Q.Kantor və L.Zadə)”, AMEA Fəlsəfə İnstitutunun Müasir fəlsəfə problemləri şöbəsinin müdiri, fəlsəfə üzrə elmlər doktoru, professor Əli Abasov “Platon: tarix və müasirlik”, AMEA Fəlsəfə İnstitutunun Estetika şöbəsinin müdiri, fəlsəfə üzrə elmlər doktoru Adil Əsədov “Platon və Aristotel: zadəgan və təbəə əksliyi” və AMEA Fəlsəfə İnstitutunun İdrak nəzəriyyəsi və elmin fəlsəfəsi şöbəsinin müdiri, fəlsəfə üzrə elmlər doktoru Füzuli Qurbanov “Platon və müasirlik: təfəkkür hadisəsi kimi qarşılıqlı əlaqələr” mövzularında məruzə etdilər.
Sonda Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı seminarın işini yekunlaşdıraraq, iştirakçılara və məruzəçilərə təşəkkürünü bildirdi.