Xəzər Universitetinin müəllimi, modelyer-dizayner, Azərbaycan Milli Geyimlər Mərkəzinin rəhbəri, sənətşünaslıq üzrə fəlsəfə doktoru Gülnarə Xəlilova Azərbaycan Respublikası Mədəniyyət Nazirliyinin dəstəyi ilə 2018-ci il sentyabrın 2-dən 8-dək Qırğızıstanın Çolpon-Ata şəhərində keçirilmiş III Ümumdünya Köçəri Oyunları və Beynəlxalq Etnomədəniyyət Festivalında Azərbaycanı təmsil etmişdir.

Yetmiş yeddi ölkədən iştirakçıların gəldiyi Ümumdünya festivalında Gülnarə Xəlilova milli Azərbaycan geyimlərinin müasir stilistikada hazırladığı on nümunəsini “Turan” adı ilə nümayiş etdirmişdir. Geyimlərin nümayişi İssık-Kul gölünün sahilindəki amfiteatrda keçmiş, iştirakçıların böyük marağına səbəb olmuşdur.

Sputnik.az xəbər saytı bu barədə xəbər yayımlamışdır. Xəbəri bu linkdə oxumaq olar: 

https://ru.sputnik.az/culture/20180914/417027506/gjulnara-halilova-kyrgyzstan.html.