Yeni təhsil ilinin başlanması münasibətilə və Azərbaycan Respublikasında Təhsilin İnkişafı üzrə Dövlət Strategiyasına dəstək olaraq ölkəmizdə ilk dəfə olaraq sentyabrın 8-də İbtidai Sinif Müəllimlərinin 1-ci Təhsil Forumu (İSMTF) keçirilmişdir. Forum "Çinar Yayımları” nəşriyyatının təşəbbüsü və Nəsimi Rayon İcra hakimiyyəti, Müasir İnnovasiyalar Liseyi və PROAKTİV şirkəti tərəfindən təşkil olunmuşdu. Forumda ibtidai sinif və məktəbəqədər hazırlıq müəllimləri, həmçinin təhsil sahəsində aparıcı mütəxəssislər, ekspertlər iştirakı etmişlər.
Forumda tədbirin Təşkilat Komitəsi tərəfindən təhsil sahəsində fəaliyyət göstərən, öz peşəkarlığı ilə seçilən müəllimlərə minnətdarlıq ifadə etmək məqsədilə Azərbaycan müstəqillik tarixinin ilk maarif naziri Nəsib bəy Yusifbəylinin adını daşıyan mükafat təsis olunduğu elan edildi və 3 nəfərə mükafat təqdim olundu.
“Dünya” Təsil Kompleksinin İbtidai siniflər üzrə direktor müavini Cəmilə Əsgərova dövlət ibtidai sinif riyaziyyat dərsliklərinin həmmüəllifi olduğuna, yeni kurikulum sisteminə uyğun dərsliklərin əmələ gəlməsində böyük zəhmət və fədakarlıq nümayiş etdirdiyinə görə Nəsib bəy Yusifbəyli mükafatı ilə təltif olundu.