Xəzər Universiteti Tarix və arxeologiya departamentinin müəllimi, siyasi elmlər üzrə fəlsəfə doktoru, dosent Xaqan Balayevin “Elm və təhsil” nəşriyyatında “Azərbaycanın sosial-siyasi həyatında cənublu mühacirlərin iştirakı: 1947-1991” adlı monoqrafiyası çapdan çıxıb.

Monoqrafiyada 1947-ci ildə İran hərbi qüvvələri tərəfindən Cənubi Azərbaycanda milli hakimiyyətin devrilməsindən sonra Azərbaycan SSR-ə gəlmiş siyasi mühacirlərin yarım əsrlik həyat və fəaliyyətləri yazılı mənbələr və elmi dövriyyəyə ilk dəfə daxil edilən yüzlərlə arxiv sənədləri əsasında Azərbaycan siyasətşünaslığında ilk dəfə tədqiq edilmiş və nəticələr çıxarılmışdır.