2018-ci il iyulun 29-da Xəzər Universiteti İnkişaf mərkəzinin layihə meneceri Ülkər Bayramova PETRA layihəsi çərçivəsində Sumqayıt Dövlət Universitetində “Ali təhsil müəssisələrində elektron təhsil” mövzusunda təlim keçirmişdir. Tədbirdə universitetin Beynəlxalq əməkdaşlıq və İnformasiya texnologiyaları şöbələrinin əməkdaşları və müxtəlif kafedraların müəllimləri iştirak etmişlər. Təlim zamanı elektron təhsil və onun imkanları, ali təhsil müəssisələrində tətbiqi və onun tətbiqinin tələbə effektivliyinə təsiri haqqında geniş məlumat verilmişdir. 

Verilən məlumatları maraqla dinləyən iştirakçılar tərəfindən  təlimçiyə çoxlu suallar verilmiş və mövzu ətrafında diskussiyalar aparılmışdır.