2018-ci il iyulun12-də Pakistanın iki universitetinin nümayəndələri Xəzər Universitetinin “Neftçilər” kampusunda oldular.

Universitetin rektoru, Mühəndislik və tətbiqi elmlər fakültəsinin dekanı vəzifəsini icra edən Dr. Hassan Niknafs, universitetin Elmi işlər üzrə prorektoru Dr. İradə Xəlilova və universitetin Beynəlxalq əlaqələr mərkəzinin direktoru Turan Cəfərova Məhəmməd Əli Cinnah Universitetinin Həyat elmləri fakültəsinin dekanı, Bioelmlər departamentinin müdiri Dr. Kamran Azim və NED Ətraf Mühit Mühəndisliyi Universitetinin həmsədri və dosenti Dr. Atif Mustafa ilə görüş keçirdilər. Görüşdə Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı iştirak edirdi.

Görüş zamanı tələbə və əməkdaş mübadiləsi, birgə tədqiqatlar, qısa müddətli proqramlar və qarşılıqlı maraq doğuran digər məsələlər barəsində müzakirələr aparıldı. Görüşün sonunda anlaşma memorandumu imzalandı.