Xəzər Universiteti Humanitar və sosial elmlər fakültəsinin dekan müavini Validə Kərimovanın (doktorant) Azərbaycan Dövlət Pedaqoji Universitetinin Quba rayon filialının baş müəllimi Cəfər Səlimovla birgə həmmüəllif olduğu “Approaches, methods, procedures and techniques of English language teaching and learning” adlı elmi məqaləsi AMEA Məhəmməd Füzuli adına Əlyazmalar İnstitunun “Filologiya məsələləri” jurnalının 2018-ci il 8-ci sayında çap edilmişdir.
Məqalədə müəlliflərin əsas fikri ingilis dilinin dünya səviyyəsində qlobal olması səbəbindən bu dilin tədrisinin vacibliyini vurğulamaqla yanaşı, ingilis dilinin tədrisinin bütün iştirakçılar tərəfindən böyük səylər tələb olunduğunu da nəzərə çatdırmaqdır. Yeni dərsliklərin, planlaşdırma proqramlarının tədris prosesinin keyfiyyətinə köməklik etdiyini vurğulamaq müəlliflərin əsas məqsədlərindəndir.