2018-ci il iyulun 10-da Xəzər Universitetində 2017-2018-ci tədris ilinin nəticələrinə əsasən səmərəli fəaliyyətlərinə görə bir qrup əməkdaşın təşəkkürnamə ilə təltif olunması mərasimi keçirildi. Universitetin rektoru Hassan Niknafs təltif olunanların adlarını açıqladı, Təhsil fakültəsinin dekan müavini Aygün Verdiyeva, Humanitar və sosial elmlər fakültəsinin dekan müavini Validə Kərimova, Mühəndislik və tətbiqi elmlər fakültəsinin dekan müavini Vəfa Aslanova, Magistratura, doktorantura və elmi içlər bölməsinin assistenti Leyla Salayeva, İqtisadiyyat və menecment fakültəsinin dekan assistenti Xanım Nəbiyeva, Mühəndislik və tətbiqi elmlər fakültəsinin müəllimi Tahir Məmmədov, İnformasiya texnologiyaları şöbəsinin assistenti İlkin Əlizadə və “Xəzər Xəbər” jurnalının baş redaktor müavini Əlirza Balayevə təşəkkürnamə plaketlərini təqdim etdi.

Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı, Tədris işləri üzrə prorektor Məhəmməd Nuriyev, Elmi İşlər üzrə prorektor İradə Xəlilova, Təhsil fakültəsinin dekanı Elza Səmədova, Humanitar və sosial elmlər fakültəsinin dekanı Cabir Xəlilov çıxış edərək, təltif olunanların iş və şəxsi keyfiyyətlərindən danışdılar, onlara fəaliyyətlərində uğurlar arzuladılar.