2018-ci il iyulun 1-dən 7-dək İvana Cavaxişvili Tbilisi Dövlət Universitetində “Universitetdə miqrasiya təhsilinin təşviqi” Erasmus+ (PROMIG, 573554-EPP-1-2016-1-GE-EPPKA2-CBHE-JP) layihəsi yay məktəbi keçirildi. Yay məktəbində koordinator kimi, Xəzər Universiteti İnkişaf Mərkəzinin layihə meneceri Ülkər Bayramova, müəllim kimi, Siyasi elm və beynəlxalq münasibətlər departamentinin koordinatoru Elmar Mustafayev və Coğrafiya və ətraf mühit departamentinin müəllimi Rövşən Kərimov və həmçinin, universitetin bir qrup MBA tələbəsi iştirak edirdilər. Tədbirdə Bakı Mühəndislik Universitetindən və həmçinin, Avropadan Alikante Universiteti (İspaniya), Oldenburq Universiteti (Almaniya), WUS-Austria (Avstriya) təşkilatı, Gürcüstan universitetlərinin nümayəndələri və Əfqanıstan Xarici İşlər Nazirliyinin nümayəndəsi də iştirak edirdilər. Bir həftə davam edən yay məktəbində tyutorlar tələbələr üçün təlimlər keçdilər və təlimlərin son günü tələbələrin təqdimatları dinlənərək, onlara sertifikatlar təqdim olundu. Xəzər Universitetinin müəllimləri də yay məktəbinin tyutorları olaraq sertifikatla mükafatlandırıldılar. Yay məktəbi müddətində həm də layihənin idarəetmə görüşü keçirildi, layihənin növbəti görüşlərinin vaxtları, layihənin keyfiyyətli idarə olunması və layihə qarşısında duran məsələlər müzakirə olundu.