2018-ci il iyunun 25-dən 29-dək “Tartu Universitetinin Johan Skytte Siyasi Elmlər İnstitutunun (Johan Skytte Institute for Political Studies) müdir müavini Olqa Boqdanova Xəzər Universitetində rəsmi səfərdə oldu. O, Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı, Xəzər Universitetinin rektoru Dr. Hassan Niknafs, Elmi işlər üzrə prorektor İradə Xəlilova, Beynəlxalq Əlaqələr Ofisinin direktoru Turan Cəfərova, Avropa Elmləri Mərkəzinin direktoru Baba Bayramov, Siyasi Elm və Beynəlxalq Münasibətlər departamentinin koordinatoru Elmar Mustafayev və layihə rəhbəri Rima Məmmədova ilə görüşdü. Görüş zamanı qarşılıqlı əməkdaşlıq müzakirə olundu.