2018-ci il iyunun 12-də Xəzər Universitetinin Mühəndislik və tətbiqi elmlər fakültəsində Mexanika mühəndisliyi departamentinin dəstəyi ilə mayın 25-də keçirilmiş ilk “yumurta atma” (Egg Drop) müsabiqəsinin qaliblərinin mükafatlandırılması mərasimi oldu. 

Mühəndislik və tətbiqi elmlər fakültəsinin təşkilati dəstəyi ilə ilk “yumurta atma” müsabiqəsi 2018-ci il mayın 25-də keçirilmişdi. Bu müsabiqə iştirakçıların kövrək bir cismin (burada yumurtanın) 20 metr hündürlükdən təhlükəsiz şəkildə yerə düşməsini təmin etmək üçün mühəndislik elminin tətbiqi ilə bağlı yaradıcı qabiliyyətlərinin qarşılaşdırılmasından ibarətdir. Müsabiqənin qalibini seçmək üçün müəyyən olunmuş meyarlara konstruksiyanın yüngüllüyü, yerdə müəyyən olunmuş hədəfə çatma sürəti və dəqiqliyi daxil idi. Mühəndislik və tətbiqi elmlər fakültəsinin müəllimləri Dr. Mirsadegh Seyidzavvar və Dr. Mehdi Kiyasatfar müsabiqənin hakimi təyin edilmişdi. Ümumilikdə müsabiqədə 11 komanda iştirak edirdi. Yekun nəticələrə görə müəyyən olunmuş kriteriyalar əsasında yarışmada birinci yeri ən kreativ dizaynı nümayiş etdirən “HERO” komandasından Xeyrulla Əmirov və Ziya Mehdiyev, “Mechanical Power” komandasından Nicat Əliyev tutdular. Musabiqənin qaliblərinə Mühəndislik və tətbiqi elmlər fakültəsinin dekanı Dr.Hassan Niknafs tərəfindən pul mükafatı və sertifikat təqdim olundu. Digər iştiakçilara isə iştirakçı sertifikatı verildi.