2018-ci il iyunun 11-dən 14-dək Avstriyanın Vyana şəhərində Avstriya Tələbə Ombudsmanı (Austrian Student Ombudsman) Ofisində Erasmus+ “Tələbələrin ombudsman vəzifəsi ilə hüquqi bazasının yaradılması” (“Advocacy Establishment for Students through Ombudsman Position” –AESOP) layihəsi çərçivəsində növbəti görüş keçirildi. Görüşdə layihənin regional tərəfdaşları olan Xəzər Universiteti, Gəncə Dövlət Universiteti, Naxçıvan Dövlət Universiteti, Naxçıvan Universiteti, Akaki Tsereteli Dövlət Universiteti (Gürcüstan), Qafqaz Universiteti (Gürcüstan), Gürcüstan Amerika Universiteti, Poltava İqtisadiyyat və Ticarət Universiteti və Kiyev Milli İqtisad Universitetinin nümayəndələri, həmçinin, İngiltərənin Middlesex Universiteti, Polşanın Varşava Universiteti və Finlandiyanın Jyväskylä Universitetinin nümayəndələri də iştirak edirdilər. Xəzər Universitetini layihə koordinatoru Rima Məmmədova və İngilis dili və ədəbiyyati departamentinin müdir müavini Eynur Mehdiyev təmsil etdilər.

Görüşdə Rima Məmmədova Xəzər Universitetinin layihə çərçivəsində həyata keçirdirdiyi fəaliyyətlər haqqında hesabat verdi və gələcək planlar haqqında danışdı. Avstriya Tələbə Ombudsmanı Ofisinin direktoru Josef Leidenfrost Avstriya təhsil sistemi, Ali Təhsil Müəssisələrinin Ombudsmanlarının Avstriya Şəbəkəsi (Austrian Network of ombudsmen in HE) və onların fəaliyyətləri haqqında geniş məlumat verdi.

Görüş çərçivəsində iştirakçılar Vyana Universitetində oldular. Universitetin “Münaqişələrin idarə edilməsi” ofisinin və “Xarici Tələbələr üçün Ombudsman” ofisinin nümayəndələri ilə görüşdülər və onların fəaliyyətləri ilə tanış oldular.