2018-ci il iyunun 11-də Azərbaycan Dövlət İnformasiya Agentliyi (AZƏRTAC) Xəzər Universiteti Azərbaycan dili və ədəbiyyatı departamentinin müəllimi Qardaşxan Əzizxanlının seçmə şeirlərindən ibarət “İlkim də sən, indim də sən, sonum sən” adlı kitabının nəşr edilməsi haqqında məlumat yaymışdır.

Xəbərdə deyilir ki, tanınmış şair Qardaşxan Əzizxanlının altmış illiyində nəşr edilən “İlkim də sən, indim də sən, sonum sən” adlı poetik toplusuna onun “Qaşla göz arasında”, “Otuz yeddini keçəndə”, “Ürəyin baxdığı yerdən” kitablarından seçmələr də salınmışdır. 1000 nüsxə tirajla çapdan çıxan bu poetik “Divan”da məhəbbət, Vətən, sənət, həyat və dünya haqqında şeirlər toplanmışdır. Fərqli bədii tərtibatı ilə diqqət çəkən kitabın bir orijinallığı da onun oxucuya, eyni zamanda, məzmunca fərqlənməyən ikinci adla təqdim edilməsidir: “İlkimdəsən, indimdəsən, sonumsan”.

“Poliqlot” bölməsində Q.Əzizxanlının ingilis, alman və rus dillərinə tərcümə edilmiş şeirlərindən nümunələr və onun alman şairləri Y.V.Höte və H.Haynedən tərcümələri yer alıb”.

Xəbərin linki:

https://azertag.az/xeber/Sair_Qardasxan_Azizxanlinin_Ilkim_de_sen_indim_de_sen_sonum_sen_kitabi_chapdan_chixib-1171348.