2018-ci il iyunun 6-da Beynəlxalq Muğam Mərkəzində 1937-ci il repressiya qurbanı görkəmli Azərbaycan şairi Mikayıl Müşfiqin anadan olmasının 110 illiyinə həsr olunmuş VIII Şairlər günü keçirildi. Azərbaycan Yazıçılar Birliyi (AYB) tərəfindən tədbirə dəvət alan Xəzər Universiteti Azərbaycan dili və ədəbiyyatı departamentinin müəllimi Qardaşxan Əzizxanlı və Azərbaycan dili və ədəbiyyatı departamentinin yüksək bal toplamış tələbələrindən bir qrupu – gənc filoloqlar Zeynəb Bağırova, Aytac Həsənova, Pinar Məmmədzadə, Əsmər Həsənzadə, Fəridə Nadirova-Əsgərova, Müjkan Fərruxlu, Arzu Əliyeva, Səkinə Ələkbərova yubiley tədbirində iştirak etdilər.