2018-ci il mayın 25-də Xəzər Universitetində TRİZ Kuboku Beynəlxalq İxtiraçılar müsabiqəsinin nümayəndə heyəti ilə Mühəndislik və tətbiqi elmlər və Təhsil fakültələrinin müəllim və tələbələri arasında görüş keçirildi.

Qeyd edək ki, görkəmli ixtiraçı Altşuler Genrix Sauloviç XX əsrin 70-ci illərində dünyada birinci dəfə Bakıda təşkil edilmiş İxtiraçılıq İnstitutunun təsisçisi olmuş və İxtira üzrə məsələlərinin həlli nəzəriyyəsinin (TRİZ) müəllifidir. 2016-ci ildə Genrix Altşulerin Bakıda yubileyi keçirilmiş və Respublikanın tələbə və şagirdlərinin TRİZ Kuboku Beynəlxalq müsabiqədə iştirak etməyi təklif edilmişdir. 2017-ci ildə Azərbaycan tələbə və şagirdləri bu müsabiqədə iştirak etmiş və xüsusi diplomlarla təltif edilmişdir.

Bu il Xəzər Universitetinin Mühəndislik və tətbiqi elmlər və Təhsil fakültələrinin iki tələbəsi TRİZ Kuboku 2018 Beynəlxalq İxtiraçılar müsabiqəsində iştirak etdi, Təhsil fakültəsinin tələbəsi Aytac Salmanzadə “Fantaziya” nominasiyası üzrə 3-cü yerə layiq görüldü. TRİZ Kuboku Beynəlxalq İxtiraçılar müsabiqəsinin Bakı üzrə rəhbəri Natiq Əliyev (Direktor, NG Creators Club) qalib tələbəyə Sertifikat təqdim etdi. Tədbirdə iştirak edən müsabiqənin nümayəndə heyətinin üzvləri Аleksandr Xakimov (yazıçı-fantazist) və Rüstəm Hüseynov (Art-direktor) qalib tələbəni təbrik etdi və digər tələbələrə də növbəti illərdə bu müsabiqədə iştirak etməyi tövsiyə etdilər.

Sonda tələbələrlə bu müsabiqənin Xəzər Universiteti üzrə komanda heyətinin yaradılması ətrafında müzakirələr aparıldı.