2018-ci il mayın 29-da Xəzər Universitetinin rektoru Dr. Hassan Niknafs Elm və Mədəniyyət Universitetinin rektoru, Kök Hüceyrə Texnologiyası şirkətinin İcraçı direktoru Dr. S.Saeed Hashemi və İran İslam Respublikasının Azərbaycandakı səfirliyinin nəzdindəki Mədəniyyət Mərkəzinin direktoru Əsgər Farsi ilə görüş keçirdi. Görüşdə, həmçinin, Xəzər Universitetində doktorantura təhsili alan Mehdi Zakeri və Beynəlxalq əlaqələr şöbəsinin direkoru Turan Cəfərova da iştirak edirdilər.

Görüş zamanı tərəflər elmi tədqiqatlar sahəsində əməkdaşlıq imkanlarını müzakirə etdilər. Görüşdə iki universitet arasında Anlaşma Memorandumu imzalandı.