2018-ci il mayın 28-dən 30-dək Tbilisi İvane Cavaxişvili Dövlət Universitetinin (TDU) 100 illik yubileyi münasibətilə Klassik Bizans və Müasir Yunanşünaslıq İnstitutunun təşkil etdiyi beynəlxalq konfransda Azərbaycanı Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı təmsil edirdi. Professor İsaxanlı konfransın ilk günündə “Platon fəlsəfəsində riyaziyyat və poeziyanın vəhdəti” (The Platonic Unification of Mathematics and Poetics) adlı mühazirə ilə çıxış etdi.

“Fənlərarası konteksdə Platon fəlsəfəsi” adlı beynəlxalq konfransda İngiltərə, İrlandiya, ABŞ, Kanada, Braziliya, Almaniya, Fransa, İsveçrə, İtaliya, İspaniya, Macarıstan, Yunanıstan, Türkiyə, Gürcüstan, Ermənistan, Rusiya, Hindistan, Çin və Yaponiya kimi ölkələrin (21 ölkə) nümayəndələri də iştirak edirdilər.