2018-ci il mayın 26-sı və 27-də Xəzər Universitetinin Azərbaycan dili və ədəbiyyatı departamentinin dosentləri Vurğun Əyyub, Elza Səmədli və Qətibə Mahmudova Əskişəhər Azərbaycanlılar Dərnəyi və Anadolu Universiteti Türk Dünyası Tətbiq və Araşdırma Mərkəzinin (TÜDAM) Azərbaycan Xalq Cümhuriyyətinin qurulmasının 100-cü ildönümü münasibətilə hazırladığı “100-cü ilində Azərbaycan Cümhuriyyəti” adlı beynəlxalq konqresdə iştirak etdilər (Dosent Vurğun Əyyub və dosent Elza Səmədli həm də konqresin Bilim Kurunun üzvləri idilər). Vurğun Əyyubun “Cümhuriyyət yazarlarımızdan Hüseyn Cavidin yaradıcılığı və “Sərvəti-Fünun”, Elza Səmədlinin “Cümhuriyyət dövrü aydınlarından Üzeyir Hacıbəyli və Qori Seminariyasına tənqidləri”, Qətibə Mahmudovanın “Türkiyə ədəbiyyatında Azərbaycan Demokratik Cümhuriyyəti: Bir əsər üzərində tədqiqat” adlı məruzələri dinləyicilər tərəfindən maraqla qarşılanmışdır.

Mayın 28-də Xəzər Universitetinin təmsilçiləri Ankarada Azərbaycan Cümhuriyyətinin qurucusu M.Ə.Rəsulzadənin və Mustafa Kamal Atatürkün məzarlarını ziyarət etdilər.