2018-ci il mayın 25-də Prinston Universitetinin Yaxın Şərq Tədqiqatları üzrə dosenti Maykl A.Reynoldz Xəzər Universitetində “Azərbaycan demokratiyasının qlobal kontekstdə meydana çıxması” mövzusunda mühazirə oxudu. Dr. Maykl Reynoldz Prinston Unversitetində doktorluq dərəcəsi, Kolumbiya Universitetində siyasi elmlər üzrə magistr dərəcəsi və Harvard Universitetində idarəçilik və slavyan dilləri üzrə bakalavr dərəcəsi almışdır. Dr. Maykl Reynoldz, “Sarsılan imperiyalar: Osmanlı və Rusiya imperiyalarınn toqquşması və süqutu, 1908-1918” kitabının (Kembric Universiteti Nəşriyyatı, 2011) müəllifidir. O, Amerika Tarix Assosiasiyasının “George Louis Beer Prize” mükafatına, eləcə də “Choice Mötəbər Titullar” mükafatına layiq görülmüşdür. Dr. Maykl Reynoldz “Qafqazın tikililəri: imperiyalar, xalqlar və inanclar” kitabının redaktorudur (Markus Weiner, 2015).

Mühazirədə Siyasi elmlər və beynəlxalq əlaqələr departamentinin tələbələri və müəllimləri iştirak edirdilər. Mühazirənin sonunda iştirakçıların sualları cavablandırıldı.