2018-ci il mayın 27-də “Dünyaya yayılsın birlik harayım!” –deyən xalq şairi Söhrab Tahirin doğum günü münasibətilə anım mərasimi keçirildi. Tədbir iştirakçıları II Fəxri xiyabana gələrək, şairin xatirəsini yad etdilər.
Xəzər Universiteti Azərbaycan dili və ədəbiyyatı departamentinin müəllimi Qardaşxan Əzizxanlı anım mərasimini açaraq, onun həyatı və fəaliyyəti haqda danışdı.
Xəzər Universitetinin tələbələri gənc filoloqlar Pinar Məmmədzadə, Aytac Həsənova, Səkinə Ələkbərli, Nəzrin İsmayılova şairin xatirəsinə ehtiramlarını bildirdilər.
Tədbirdə iştirak edən şairin qızı Nəsibə Tahiri Söhrab Tahirin ömrünün son aylarınadək gənclik enerjisi ilə yaşayıb-yaratmasından söz açdı, şairin xatirəsini yad etdikləri üçün mərasim iştirakçılarına minnətdarlığını bildirdi.