2018-ci il mayın 16-da Xəzər Universitetində Çin dili dərsinin müəllimi Li Ya Laoshi və tələbələr semestr ərzində əldə etdikləri nailiyyətləri və göstərdikləri yüksək nəticəni birlikdə qeyd etdilər.

Qeyd edək ki, cari il martın 28-də Bakı Dövlət Universiteti Konfutsi İnstitutunda HSK2 test imtahanları keçirilmişdi. Çin dilini öyrənənlər üçün dünya miqyaslı HSK2 test imtahanında ilk dəfə Xəzər Universitetinin tələbələri Ağaxan Bağırlı və Nicat İsmayılov da iştirak etmişdilər. Ağaxan Bağırlı imtahanda Azərbaycan üzrə ən yüksək nəticəni əldə etmişdi.